TEJO: LA ESTRARO KUNSIDIS EN ROTERDAMO

De la 28a ghis la 30a de Septembro en la Centra Oficejo de UEA en Roterdamo okazis la unua kunsido de la novelektita TEJO-estraro. Krom 8 estraranoj, ghin cheestis ankau la nuna TEJO-volontulo Christopher Culver kaj la Ghenerala Direktoro de la CO Pasquale Zapelli. Flanke de UEA observis la estrarano Ans Bakker.

Traktighis plej diversaj temoj: multaj seminarioj planataj por la venonta jaro, IJK 2002, IJK 2003, kunlaboro kun ILEI en la kampo de instruado. Ellaborighis kaj akceptighis minimuma programo por la dujara estrara periodo. La sekva kunsido okazos printempe en la jaro 2002.

Katja Ignatieva, ghenerala sekretario de TEJO

<katido@mac.com>

TEJO: NOVA REDAKTORO DE "KONTAKTO"

La 29an de Septembro elektighis kiel redaktoro de "Kontakto" (ne-primovada revuo de TEJO) Jhenja Zvereva, profesia jhurnalisto el Kievo (Ukrainio).

<eugenia_zvereva@yahoo.com>

TEJO esprimas sinceran dankon al Sabira Stahlberg, ghisnuna redaktoro, pro shia laboro pri la revuo.

TEJO: EBLAS MEMBRIGHI DANKE AL LA FONDAJHO "CANUTO"

Junuloj (el malrichaj landoj) kiuj ne havas sufiche da financaj rimedoj por membrighi en TEJO, povas provi membrighi pere de fondajho Canuto. Pasintjare 180 junuloj alighis per ghi. La kandidatighemuloj sendu leteron al la ghenerala sekretario de TEJO, Katja Ignatieva

<katido@mac.com>,

• nepre indikante:
• nomon, naskightagon, loghlokon;
• vian agadon en E-ujo (en loka, nacia au internacia nivelo);
• vian kontaktadreson (se vi havas retadreson, bv. nepre indiki ghin).

TEJO: KOTIZOJ POR 2002

Eblas membri en TEJO en du kategorioj:

- MJ-T: oni ricevas la Jarlibron de UEA, la revuon "Kontakto" kaj la bultenon "TEJO tutmonde".

- MA-T: oni ricevas la samajn eldonajhojn, plus la revuo "Esperanto".

Jen la kotizoj por la jaro 2002:

Lando Valuto MJ(-T) MA(-T)

Australio: dolaro 36 89

Austrio, Belgio, Finnlando, Francio, Germanio,

Greklando, Hispanio, Irlando, Islando, Italio,

Luksemburgio, Nederlando, Portugalio, San-Marino: euro 20 50

Britio: pundo 13 32

Chehhio: krono 440 1100

Danio: krono 150 370

Honkongo, Korea Respubliko, Malto, Singapuro,

Sud-Afriko, Tajvano: euro 13 33

Hungario: forinto 3200 8000

Israelo: euro 16 40

Japanio: eno 2200 5500

Kanado: dolaro 30 75

Norvegio: krono 165 415

Nov-Zelando: dolaro 44 109

Slovakio: krono 500 1250

Svedio: krono 190 480

Svislando, Lihhtenshtejno: franko 31 78

Usono: dolaro 20 50

Chiuj ceteraj landoj: euro 10 25

INTERNACIA SEMINARIO EN GERMANIO

La Internacia Seminario (IS) <http://www.internacia-seminario.de> estas "la junulara, silvestra Esperanto-arangho" en Germanio. Chi-jare ghi okazos inter 27.12.2001 kaj 03.01.2002 en Rotenburg, unu el la plej belaj urboj de la lando. La partoprenantojn atendas la amuza programo (kursoj, ludoj, ekskursoj, silvestra balo, chiunokta freneza diskoteko) kaj neforgesebla etoso.

Informoj kaj alighoj: Germana Esperanto-Junularo

<bero@esperanto.de>.

PRELEGO DE CLAUDE PIRON EN SVISLANDO

"Grupo Esperanto EPFL" <epfl@esperantio.net> en Lausanne (Svislando) daurigos sian agadon ekde oktobro: E-kursoj, diversaj prelegoj kaj aliaj aranghoj. La enkonduka prelego de Claude Piron okazos marde, la 30an de oktobro en la altlernejo EPFL, antau franclingva publiko, kun la temo: "Esperanto kaj la europa lingva problemaro".

La universitata grupo bonvenigas kontaktojn tutmondajn.