Sageto: @odportal en telegramo sendis al ni 06 kaj n21 numerojn skanita.

La revuo "Amikeco"
=================

"Amikeco" estis "subplanka" (neoficiala) eldono de esperantistoj en
Soveta Unio.
La reĝimo ne ebligis eldonon de esperantaj gazetoj sed esperantistoj
faris tion kaŝe, ne obeante al la leĝoj kaj ordoj.
"Amikeco" estis ĉefe literatura gazeto kaj aperis kunlabore en Baltaj
respublikoj. Redaktis litovaj kaj estonaj spertuloj (en Estonio Kalju
Pill kaj Jaan Ojalo) kaj ankau alilokuloj.. Multobligis oni en Litovio
kie esperantistoj katolikanoj sukcesis tion fari.
Formato estis A4 (la lastaj numeroj malgrandigite A5).
Mi sukcesis nun trovi kaj kunpreni 12 numerojn de "Amikeco", n-roj
24-35 kaj mi enretigas ilin. Tio estas ne nur por savado de nia
historio sed la literaturaj verkoj kutime ne malnoviĝas kaj politikaj
artikoloj estas bezonataj por ilustri niajn estontajn diskutojn pri la
estinto.
La revuo estas preskaŭ nekonata ekster Sovetio ĉar sendado de ĝi
alilanden povis alporti sankciojn de KGB (kaj pro tio sur la kajeroj
estas skribita "nur por enlanda uzo").

Peeter Aitai

De num 24 al 35 skanis Peeter Aitai.
https://groups.google.com/g/estonio/c/svKVq5TNlyg/m/IWQU9GPUF1EJ


Mankas paĝo 15 de la numero 35.